Humko bhi to ulfat thi
Muhabbat tumko thi jaana
Humko bhi to ulfat thi
Is dil ki beqarari ko…
Qarar sirf tumse tha
Hamari be-etbaari ka…
Etbaar tumhi pe tha
Muhabbat k woh kamsin rang
Meri nau-umr zindagi me
Ibadat me kati raatein
katey din teri bandigi me
tab…
lafzo ka parwaaz thi
khamoshi bhi awaaz thi
meri palko ki jumbish ka
pardh lena tera hamdam
beawaaz siskiyon ko bhi
samajh lena tera sanam
piye they aansu bhi toone
siye they zakhm bhi toone
magar ab…
udhad gaey hai taakey ab saarey
lahu lahu hai khwab hamarey
kabhi jo jazb hotey they
mere dard pahlu me tere
miley hai dhool me who ab
zameen k seeney me saarey…
khamoshi gungunati thi tab
ab yeh bilkhti jaati hai
Muhabbat tumko thi jaana
Humko bhi to ulfat thi
No comments:
Post a Comment